आधुनिक जीवनमा नयाँ प्रविधिको बारेमा हामीले धेरै नयाँ कुराहरू सिक्नु पर्ने हुन्छ । नयाँ कुरा सिक्नको लागि मानिस सधैँ तत्पर हुन्छ । मानिसलाई नयाँ कुरा सिक्नको लागि के कुराले तत्पर गराउँछ ? मस्तिष्कले ।
बिज्ञापन
मस्तिष्कसँग नयाँ परिस्थिति अनुसार आफूलाई अनुकूलन गर्ने र व्यवहार गर्ने क्षमता हुन्छ । यद्यपि, दैनिक घटनाहरूले पनि मस्तिष्कमा परिवर्तन ल्याउन सक्छ र यसले काम गर्ने तरिका परिवर्तन गर्न सक्छ ।
बिज्ञापन
मानसिक शक्तिसँग ध्यान को सम्बन्ध
ध्यानको अभ्यास हजारौँ वर्ष पुरानो हो । तर केही दशकअघि मात्रै मनोवैज्ञानिक र मनोचिकित्सकहरूले यसबारे गहन अनुसन्धान गर्न थालेका छन् । विभिन्न अनुसन्धानमा ध्यानको उपयोगिता प्रमाणित गरिसकेपछि अहिले यसलाई सिफारिस गर्न थालिएको छ ।
बिज्ञापन
अमेरिकी मनोवैज्ञानिक डेभिड क्रेसवेलले धेरै अनुसन्धानलाई व्याख्या गर्दै करिब २० वर्ष अगाडि लेखेका थिए कि मानसिक शान्ति हाम्रो दैनिक जीवनसँग सम्बन्धित छ ।
जर्मनीको टेक्निकल युनिभर्सिटी अफ म्युनिखका अनुसन्धानकर्ता ब्रेटा होल्जल र अमेरिकाको म्यासाचुसेट्स जनरल हस्पिटलकी अनुसन्धानकर्ता सारा लाजरका अनुसार ध्यानले मस्तिष्कको स्मरण शक्तिलाई बलियो बनाउन सहयोगी हुन्छ ।
मनोवैज्ञानिक मेलिसा होगेनबुम बर्नहोफर भन्छिन्, ‘ध्यान गर्दा श्वासप्रश्वासमा ध्यान दिनु पर्छ । वास्तवमा यो प्रक्रिया मस्तिष्कले गरिरहेको हुन्छ । यसो गर्दा दिमागले यताउता ध्यान दिन बन्द गर्छ । एकाग्र भएर ध्यान गर्दा श्वासप्रश्वासको माध्यमबाट हामी हाम्रो मांसपेशीलाई बलियो बनाउन सक्छौँ । यस अवधिमा हामीले आफ्नो शारीरिक, मानसिक क्षमतालाई नियन्त्रण गरिरहेका हुन्छौँ ।’
